نەتەوە یەکگرتووەکان: لە 2023 دا نزیکەی 733 ملیۆن کەس ڕووبەڕووی برسێتی بوونەتەوە

ئاڤا نیوز  

بەپێی دوایین ڕاپۆرتی دۆخی ئاسایشی خۆراک لە جیهان، کە لەلایەن پێنج دەزگای پسپۆڕی نەتەوە یەکگرتووەکانەوە بڵاوکراوەتەوە، لە ساڵی 2023دا نزیکەی 733 ملیۆن کەس تووشی برسێتی بوون.

بڵاو کراوەی فەرمی: نەتەوە یەکگرتووەکان لە ڕاپۆرتێکدا ڕایگەیاند: بۆ سێیەم ساڵ لەسەریەک ڕێژەی برسێتی بە بەرزی ماوەتەوە، لە ساڵی ڕابردوودا نزیکەی 733 ملیۆن کەس تووشی برسێتی بوون، واتا لە هەر 11 کەسێکدا یەکێکیان برسییە لە جیهان، لە ئەفریقاش لە هەر پێنج کەسێک، یەکێکیان برسییەتی.

ئەوەی پێویستە بیزانیت: ڕاپۆرتەكە هۆشداری دەدات لەوەی هێشتا جیهان کاتێکی زۆری ماوە، بۆ ئەوەی بگات بە ئامانجی نەهێشتنی برسییەتی کە تا ساڵی 2030 دەخایێنێت.