تەنیا ئەمڕۆ نزیکەی 100 كەس لە ڕەفەح كوژران

ئاڤا نیوز

بەهۆی هێرشەکانەوە بۆ سەر ناوچەی ڕەفەح، تەنیا ئەمڕۆ دووشەممە 12-02-2024 نزیکەی 100 کەس کوژراون، دوو بارمتەی ئیسرائیلیش "ڕزگارکراون".

 

وێنە گەورەكە: سوپای ئیسرائیل هێرشی كردە سەر چەند ناوچەیەک لە ڕەفەح، کە زۆرترین ئاوارەی بەشەكانی دیكەی كەرتی غەززەی تێدا نیشتەجێیە، بەهۆی هێرشەكانەوە نزیكەی 100 كەس كوژران و ژمارەی بریندارەکانیش نازانرێ.

 

لێدوانی فەرمی: وەزارەتی تەندروستیی كەرتی غەززە ڕایگەیاند، لە بەشی باشووری غەززە لە ناوچەی ڕەفەح، 100 كەس كوژران و ژمارەی بریندارەکانیش نازانرێ.

 

لەلایەکی دیکەوە: سوپای ئیسرائیل ڕایگەیاند: لە کاتی هێرشە ئاسمانییەکان بۆ سەر ناوچەی ڕەفەح، هێزە زەمینییەکان توانیان دوو بارمتە بە ناوەکانی "سیمۆن مارمانی 60 ساڵ و لویس هارێی تەمەن 70 ساڵ ڕزگار بکەن".