ترەمپ: ببمەوە سەرۆک خەرجیی چاندنی منداڵی بلووری دەکەمە خۆڕایی

ئاڤا نیوز

 

کاندیدی کۆمارییەکان پشتیوانی بۆ ئەنجامدانی منداڵی بلووری ڕاگەیاند و دەڵێت؛ لە هەڵبژاردن ببێتەوە بە سەرۆک خەرجییەکەی دەکات بەخۆڕایی.

 

چیرۆکی سەرەکی: دۆناڵد ترەمپ سەرۆکی پێشووی ئەمریکا و بەربژێری کۆمارییەکان رایگەیاند: جارێکی دیکە بە سەرۆک هەڵبژێردرێتەوە، "ئەنجامدانی پرۆسەی منداڵی بلووری دەکەمە بەخۆڕیایی، کە خەرجییەکەی بکەوێتە ئەستۆی حکومەت یاخود کۆمپانیاکانی بیمە".

 

وێنە گەورەکە: کاندیدی کۆمارییەکان بۆ ئێن بی سی نیوز ئاشکرای کرد، پلانی خەرجکردنی پرۆسەی ئەنجامدانی منداڵی بلووری پڕۆژەکانی ئەگەر وەک سەرۆک دەربچێتەوە، بەڵام هیچ وردەکارییەکی لەبارەیەوە بڵاونەکردەوە، ئەو گوتی، "پشتیوانی ئەو پرۆسەیە دەکەن چونکە پێیانوایە پڕۆسەیەکی گرنگ و گەورەیە، چونکە دەتوانین لەو رێگەیەوە منداڵی جوان و بەهێز بۆ ئەمریکا بخەیەنەوە".

 

ئەوەی پێویستە بیزانیت: خستنەوەی منداڵی بلووری بووەتە تەوەرێکی سەرەکی هەڵبژاردنەکانی ئەمریکا، بە تایبەت دوای ئەوەی دادگای ئالابا بڕیاریدا، کە منداڵ تەنیا لە رێگەی باوانەوە دروست دەبێت، نەک لە رێگەی بلوورییەوە. ئەوەش وایکرد نەخۆشخانەکان ئەنجامدانی پرۆسەی منداڵی بلووری ڕابگرن.