سوپای پاسداران: ئەمریکا توانای بەرەنگاربوونەوەی ئێرانی نییە

ئاڤا نیوز

فەرماندەیەکی سوپای پاسداران ڕایدەگەیێنێ، سوپای ئەمریکا خۆی لە شەڕکردن لەگەڵ ئێران بەدووردەگرێت، چونکە توانای بەرەنگاربوونەوەیان نییە.

 

لێدوانی فەرمی: ئەمیر عەلی حاجی زادە، فەرماندەی هێزی ئاسمانیی سوپای پاسداران ڕایگەیاندووە، گەیشتوونەتە ئاستێک کە سوپای ئەمریکا لە ناوچەکەدا بە ئاشکرا دەڵێت: "بەدوای ململانێ لەگەڵ ئێران ناگەڕێت، چونکە توانای بەرەنگاربوونەوەیان نییە".

 

فەرماندەکەی سوپای پاسداران پێیوایە ئێران یەکێکە لە زلهێزەکانی جیهان لە بوارەکانی بەرگری، مووشەک و فڕۆکەی بێفڕۆکەواندا،  زیاتر دەڵێت"ئێستا دەتوانین ئامانجە جووڵاوەکان بپێکین، یان لە هەر شوێنێک بمانەوێت دەتوانین بەکارهێنانی فڕۆکە ئۆپەراسیۆنی هەواڵگری بکەین."

باکگراوند: لەدوای سەرهەڵدانی جەنگی غەززە و پەرەسەندنی گرژییەکان لە نێوان ئەمریکا و گرووپە چەکدارەکانی نزیک لە ئێران، بەرپرسانی ئەمریکا چەندجارێک دووپاتیکردووەتەوە بەدوای شەڕدا ناگەڕێت و نایەوێت لەگەڵ ئێران بکەوێتە جەنگەوە.