حکومەتی عێراق بە هاوکاریی ئینتەرپول تۆمەتبارێک دەگەڕێنێتەوە

ئاڤا نیوز

حکومەتی عێراق بە هەماهەنگی لەگەڵ ئینتەرپول، تۆمەتبارێکی تێوەگلاو لە گەندەڵی بە بڕی یەک ملیار دینار لە میسر دەگەڕێنێتەوە.

وێنە گەورەکە: گەندەڵی لە دامودەزگا حکومییەکانی عێراق بووەتە دیاردە، زۆربەی کەرتەکانی گرتووەتەوە و چەندین بەرپرسیش تێوەگلاون، بەگوێرەی ڕێکخراوی شەفافیەتی نێودەوڵەتی، ئێستا عێراق یەکێکە لە گەندەڵترین وڵاتانی جیهان.

ڕاگەیێنراوی فەرمی: وەزارەتی ناوخۆی عێراق ڕایگەیاند، ڕۆژی 1-9-2024  بەڕێوەبەرایەتیی پۆلیسی عەرەبی و نێودەوڵەتی سەر بە وەزارەت بە هەماهەنگی پۆلیسی ئینتەرپول لە قاهیرە، تۆمەتبارێکی هەڵاتوو و داواکراویان گەڕاندووەتەوە کە تۆمەتبار بوو بە نووسینی چەکێکی پارە بە بڕی یەک ملیار دینار بێ ئەوەی باڵانسی تێدا بێت، تۆمەتبار ڕەوانەی دادگە کراوە و ڕێکاریی یاسایی بەرامبەر دەگرێتەبەر.