پووتین سەردانی تورکیا دەکات

ئاڤا نیوز

 

هاوکات لەگەڵ گەرمبوونی شەڕی نێوان ڕووسیا و ئۆکراینا و نزیکبوونەوەی وادەی لووتکەی بریکس، ڤلادیمیر پووتین ئامادەکاری دەکات سەردانێکی فەرمی بۆ تورکیا بکات.

 

‎ڕاگەیێنراوی فەرمی: کرێملین ڕایگەیاند، ڤلادیمێر پووتین، سەرۆکی ڕووسیا سەردانی تورکیا دەکات و لەگەڵ ڕەجەب تەیب ئەردۆغان، سەرۆککۆماری تورکیا کۆدەبێتەوە. 
 

لەلایەکی دیکەوە: دیمیتری پێسکۆڤ، گوتەبێژی کرێملین ڕایگەیاند، دوای تەواوبوونی ئامادەکارییەکان پووتین سەردانی تورکیا دەکات. ئاماژەیی بەوەش کرد مۆسکۆ هیوادارە پووتین و ئەردۆغان لە چوارچێوەی لووتکەی بریکس کە بڕیارە لە شاری کازانی  ڕووسیا ڕێکبخرێت، گفتوگۆ بکەن.

ئەوەی پێویستە بیزانیت: ئەم بڕیارە لەکاتێکدایە، ڕووسیا پێشوازی لە خواستی تورکیا کرد بۆ بوون بە بەشێک لە گرووپی گەلانی بریکس. 

ئەمەش بزانە: ڕووسیا پۆستی سەرۆکایەتیی کۆمەڵەی نەتەوەکانی بریکسی وەرگرتووە، لە بڕیارە لەنێوان 22 بۆ 24ـی 10-2024 کۆبوونەوەی لووتکەی بریکس بکرێت.  لووتکەکە جەخت لەسەر پێشخستنی تەواوی هاوبەشی و هاوکاری لە چوارچێوەی هاوپەیمانییەکەدا دەکاتەوە.