ڕۆڵی ئەمجارەی میلانیا ترەمپ لە کۆشکی سپی چی دەبێت؟

ئاڤا نیوز

لەدوای سەرکەوتنی دۆناڵد ترەمپ لە هەڵبژاردنەکانی سەرۆکایەتیی ئەمریکا چاوەکان ئەمجارە لەسەر میلانیا ترەمپە کە چ ڕۆڵێکی لەنێو کۆشکی سپی دەبێت.

 

لێدوانی فەرمی: میلانیا ترەمپ ڕایگەیاند: ئەمریکییەکان ئەم بەرپرسیارێتییەیان بە ئێمە سپاردووە، ئێمە پارێزگاری لە دڵی کۆمارییەکان دەکەین.

 

زانیاریی بەدەستهاتوو: چەند ڕۆژێک پێش هەڵبژاردنەکان ئەوە بڵاکرابوویەوە کە ئەمجارە خانمی ترەمپ تا ماوەیەکی هەمیشەیی لە کۆشکی سپی نامێنێتەوە، ئەمەش ئەوەدەگەینێت تەنیا بەشێوەیەکی کاتی یاخود دواتر لە شوێنکی تایبەتدا ژیان دەکات، ئەمەش لە کاتێکدایە لەخولی یەکەمی سەرۆکایەتیی ترەمپدا خانمی ترەمپ زۆربەی جار لە کۆشکی سپی ئامادەیی نەبوو.

 

لەلایەکی دیکەوە: شارەزایان لەو باوەڕەدان، ئەمجارە میلانیا لە کۆشکی سپی بمێنێتەوە و چەند ئەرکێک بگرێتە ئەستۆ، بەڵام تا ئێستا پشتڕاست نەکراوەتەوە.

 

چی ڕوودەدات: مانشێتە میدیاییەکانی ئەمساڵ بە پرسیاری "میلانیا لە کوێیە" پڕکرابوون، چونکە زۆر کەم لە کەمپەینی هەڵبژاردنەکاندا دەردەکەوت.

 

باکگرواند: میلانیا ترەمپ، خانمە مۆدێل وخانمی یەکەمی پێشووی ئەمریکا تەمەن 54 ساڵ، لە ساڵی 2005 هاوسەرگیری لەگەڵ دۆناڵد ترەمپدا کردووە و خاوەنی کوڕێکن.