ڕەجەب تەیب ئەردۆغان گەیشتە ئازەربایجان

ئاڤا نیوز 

 

ڕەجەب تەیب ئەردۆغان، سەرۆککۆماری تورکیا، بەمەبەستی بەشداریکردن لە کۆنفرانسی جیهانیی کەشوهەوا گەیشتە باکۆی پایتەختی ئازەربایجان.

 

وێنە گەورەکە: کۆنفرانسی جیهانی کەشوهەوا هەر ساڵە و لە وڵاتێکی جیاواز دەکرێت، ئامانجی سەرەکی کۆنفرانسەکەی ئەمساڵ، ڕێککەوتنە لەسەر چۆنییەتی کۆکردنەوەی هاوکاریی دارایی زیاتر بۆ ئەو وڵاتە هەژارانەی بەدەست گۆڕانی ئاو و هەواوە دەناڵێنن، هاوکات بە ئامانجی سنووردارکردنی دەردانی گازە گەرمکەرەکان.

 

زانیاریی زیاتر: بڕیارە لەمیانەی کۆنفرانسەکەدا ئەردۆغان گوتارێک پێشکەش بکات و کۆبوونەوەی دوو قۆڵی لەگەڵ ژمارەیەک سەرکردەی وڵاتان بکات. 

 

گۆشەیەکی دیکەی ڕووداوەکە: بڕیارە لە میانەی کۆبوونەوەکانی سەرۆککۆماری تورکیا لەگەڵ سەرکردەی وڵاتان، پرسی شەڕی غەززە و لوبنانیش تاوتوێ بکرێت.