تورکیا دەرفەت دەدات بە دەم پارتی تا سەردانی ئۆجەلان بکەن

ئاڤا نیوز

 

دوای چەندین ساڵ حکومەتی تورکیا بڕیاریدا ڕێگە بە ئەندامانی فراکسیۆنی دەم پارتی بدرێت تاوەکو سەردانی عەبدوڵا ئۆجەلان بکەن. 

 

وێنە گەورەکە: عەبدوڵڵا ئۆجەلان، ڕێبەری پارتی کرێکارانی کوردستان 'پەکەکە'  لە ساڵی 1999ەوە لە دورگەی ئیمرالی تورکیا زیندانی کراوە، دوای تێپەڕبوونی 10 ساڵ بەسەر قەدەغەی سەردانیکردن، ئێستا تورکیا بڕیاریداوە کە دەرفەت بۆ سەردانیکردن بڕەخسێنێت. 

 

ڕاگەیێنراوی فەرمی: دەم پارتی  لەو بارەیەوە ڕایگەیاند: حکومەتی تورکیا بڕیاریداوە ڕێگە بە ئەندامانی فراکسیۆنی حیزبەکەمان بدرێت بۆ سەردانیکردنی ئۆجەلان تاوەکو گفتوگۆی لەگەڵدا بکەین. 

 

زانیاریی زیاتر: مانگی ڕابردوو دەم پارتی داوای لە حکومەتی تورکیا کردبوو کە ڕێگە بدرێت بە سەردانیکردن بۆ لای ئۆجەلان، هاوکات دەوڵەت باخچەلی، سەرۆکی هاوپەیمانی جەهەپە پێشنیازی کرد کە کێشەی کورد لەو وڵاتە چارەسەر بکرێت و عەبدوڵا ئۆجەلانیش لە پەرلەمان گوتارێک پێشکەش بکات.