سەرۆکی فەرەنسا: پشتی کورد لە سووریا بەرنادەین

ئاڤا نیوز 

لە وتاری ساڵانەی دیپلۆماسی خۆیدا سەرۆکی فەرەنسا پاڵپشتی وڵاتەکەی بۆ هەسەدە لە ڕۆژئاوای کوردستان دووپاتکردەوە، تێڕوانینی وڵاتەکەیشی سەبارەت بە دۆخی ڕۆژهەڵاتی ناوەڕاست خستەڕوو.

وێنە گەورەکە: پشتیوانی وڵاتانی ئەوروپا بۆ هێزە کوردییەکان لە ڕۆژئاوای کوردستان بەردەوامە و دەیانەوێت لە سووریای نوێ مافەکانیی کورد پارێزراو بن.

لێدوانی فەرمی: ئیمانوێل ماکرۆن سەرۆکی فەرەنسا ڕایگەیاند:

٠ فەرەنسا دەستبەرداری خەباتکارانی ئازادی، هاوشێوەی کورد نابێت کە شەڕی گرووپە تووندڕەوەکان دەکەن لە سووریا.

٠ ئێران ئاڵنگارییە بەرفراوانەکەی ناوچەکەیە، ئەم بابەتە بۆ ستراتیژ و ئەمنییەتی فەرەنسا و وڵاتانی ئەوروپا و هەموو ناوچەکە گرنگە.

٠ نابێت وڵاتانی ڕۆژئاوا لەدوای ڕووخانی ڕژێمەکەی بەشار ئەسەد بێهەڵوێست بن بەرامبەر دەسەڵاتدارە نوێیەکانی سووریا.

ئەمەش بزانە: پشتگیریکردنی هێزە کوردییەکان و حوکمڕانی گشتگیرانەی سووریا، ئەو هاوسەنگییەیە وڵاتانی ئەوروپا هەوڵ دەدەن لە ستراتیژی دیپلۆماسی ڕۆژهەڵاتی ناوەڕاستدا بیپارێزن.