وادەی دابەشكردنی پارەی بژمێرەكانی پرۆسەی سەرژمێری ئاشكرا دەكرێت

ئاڤا نیوز 

 

 پارەی بژمێرەكانی پرۆسەی سەرژمێری دەكرێت، سەرەتا بەڕێوەبەر و یاریدەدەرەكان و دواتریش بژمێرەكان پارەكە وەردەگرن.

 

وێنە گەورەکە: ڕۆژی 20-11-2024، سەرژمێریی گشتیی لە تەواوی عێراق و هەرێمی کوردستان بەڕێوەچوو و تیایدا نزیکەی 40 هەزار بژمێر لە تەواوی هەرێمی کوردستان  بەشدارییان لە پرۆسەکە کرد.

 

لێدوانی فەرمی: دڵزار حەمەساڵح، بەڕێوەبەری ئاماری هەولێر بە ئاڤا میدیای ڕاگەیاند: ئەمڕۆ سێشەممە 7-1-2025 دەست كرا بە دابەشكردنی پارەی پرۆسەی سەرژمێری بەسەر بەڕێوەبەر و یاریدەدەری بەڕێوەبەرەكانی پرۆسەكە و لە ماوەی دوو ڕۆژدا سەرجەمیان بڕە پارەكە وەردەگرن.

 

لەلایەكی دیكەوە: بەپێی گوتەی بەڕێوەبەری ئاماری هەولێر دوای تەواوبوونی دابەشكردنی پارەی بەڕێوەبەر و یاریدەدەری بەڕێوەبەرەكان، ڕاستەوخۆ دەست دەكرێت بە دابەشكردنی پارەی سەرجەم بژمێرەكان.

 

ئەوەی پێویستە بیزانیت: هەر بژمێرێک بۆ هەر مانگێك كاركردن بڕی 250 هەزار دیناری پێدەدەرێت، بە گشتی بژمێرەكان دوو مانگ كاریان كردووە و بەڕێوەبەرەكانیش سێ تاوەكو پێنج مانگ كاریان كردووە.