لە ئەڵمانیا ئۆتۆمبێلێک خۆی دەکات بە نێو خەڵکیدا و چەند کەسێک بریندار دەکات

ئاڤا نیوز

لە ئەڵمانیا ئۆتۆمبێلێک بە خێراییەکی زۆر خۆی دەکات بەنێو خەڵکدا و لە ئەنجامدا بەپێی ئامارە سەرەتاییەکان کەسێک گیانی لەدەستداوە و چەند کەسێکیش بریندار بوون

وێنە گەورەکە: لە شاری مانهیمی ئەڵمانیا ئۆتۆمبێلێلک خۆی دەکات بە نێو قەرەباڵغیەکدا و لانیکەم کەسێک گیانی لە دەستداوە و چەندین کەسی دیکەش بریندار بوون، پۆلیس لە لێکۆڵینەوەدان بۆ هۆکاری ڕووداوەکە.

لێدوانی فەرمی: ستیفان ویلهێلم، وتەبێژی پۆلیسی مانهایم ڕایگەیاندووە دوای ڕووداوەکە تۆمەتبارێک دەستگیرکراوە و  پۆلیسی ئه‌ڵمانیا قه‌ده‌غه‌ی هاتووچۆی له‌ شوێنی ڕووداوه‌كه‌ ڕاگه‌یاندووه‌ و ڕێگه‌كانی داخستووه ‌هۆشدارییەکی بوونی مەترسی زۆری لە شارەکەدا دەرکردووە.

لە لایەکی دیکەوە: میکلا سێلا، کارمەندی چێشتخانەیەکی ناوەندی شارەکە بە سی ئێن ئێنی ڕاگەیاندووە، ئۆتۆمبێلێکی ڕەشی بینیوە بە خێرایی زۆر بەلایدا تێپەڕیووە. ئاماژەی بەوەشکردووە دواتر گوێی لە هاوارکردنی چەند کەسێک بووە.