پەرلەمانی عێراق دەنگ لەسەر چەند پڕۆژەیاسایەک دەدات

ئاڤا نیوز

بڕیارە پەرلەمانی عێراق ڕۆژی سێشەممە دەنگ لەسەر چەند پڕۆژە یاسایەک بدات، یەکێکیان پڕۆژە یاسای پاراستنە لە زیانەکانی تووتن.

ڕاگەیێنراوی فەرمی: بەگوێرەی ڕاگەیێنراوی نووسینگەی ڕاگەیاندنی پەرلەمانی عێراق، ڕۆژی سێشەممە 6-5-2025 دانیشتنی پەرلەمان لە کاتژمێر یەکی دوای نیوەڕۆ بەڕێوەدەچێت.

زانیاریی زیاتر: کارنامەی دانیشتنەکە حەوت بڕگە لەخۆدەگرێت، برگەکانیش پێکهاتووە لە:

- دەنگدان لەسەر پێشنیازەیاسای سەندیکای پرۆگرامسازانی عێراق.

- دەنگدان لەسەر پڕۆژەیاسای تەندروستی دەروونی.

- دەنگدان  لەسەر پڕۆژە یاسای پاراستن لە زیانەکانی تووتن.

- خوێندنەوەی یەکەم بۆ پێشنیازەیاسای یەکێتی نەخۆشخانە تایبەتەکان.

- ڕاپۆرت و خوێندنەوەی دووەم بۆ پرۆژەیاسای بەشداربوونی عێراق لە ڕێککەوتنی هەمواری یاسای ڕێککەوتننامەی پاراستن لە ماددە ئەتۆمییەکان.

- ڕاپۆرت و خوێندنەوەی دووەم بۆ پێشنیازەیاسای هەمواری یەکەمی یاسای دەستەی نیشتمانی بۆ چاودێری ئەتۆمی، تیشکدانەوە، کیمیایی و بایۆلۆجی.

- ڕاپۆرت و خوێندنەوەی دووەم بۆ پێشنیازەیاسای هەمواری سێیەم بۆ قەرەبووکردنەوەی ئەو کەسانەی بەهۆی ڕەفتارەکانی ڕژێمی بەعسی لەناوچووەوە بەشێک لەئەندامانی جەستەیان لەدەستداوە.