مەسرور بارزانی پرۆژەی کارەبای 24 کاتژمێری لە دهۆک بەسەردەکاتەوە

ئاڤا نیوز

 

سەرۆکوەزیران مەسرور بارزانی لە شاری دهۆک پرۆژەی ڕووناکی بۆ کارەبای 24 کاتژمێری بەسەرکردەوە.

 

چیرۆکی سەرەکی: ئەمڕۆ یەکشەممە 11-05-2025، سەرۆکوەزیران مەسرور بارزانی، لە گەڕەکی 'بەرۆشکێ'ـی شاری دهۆک پرۆژەی ڕووناکی بۆ کارەبای 24 کاتژمێری بەسەرکردەوە.

 

ئەوەی پێویستە بیزانیت: بەگوێرەی زانیارییەکانی تیمی پرۆژەی ڕووناکی، مانگی ڕابردوو زۆربەی ماڵەکانی گەڕەکی "بەرۆشکێ"ـی دهۆک، کەمتر لە 35 هەزار دیناریان لە کارەبای 24 کاتژمێری بۆ هاتووەتەوە.

 

بەشێک لە داتا و زانیاری و تایبەتمەندییەکانی پرۆژەی ڕووناکی:

 

ئامانجی پرۆژەی ڕووناکی: تاوەکو کۆتایی ساڵی 2026، کارەبای 24 کاتژمێری بۆ هەموو هاونیشتمانیانی هەرێمی کوردستان بەنرخێکی کەمتر لە پێشوو دابین دەکات.

 

کوردستانێکی پاکتر و تەندروستر: نەمانی ژاوەژاو و پیسکردنی ژینگە لەلایەن مۆلیدە تایبەتەکانی گەڕەکەکان، ئامانجێکی دیکەی پرۆژەی ڕووناکییە.

 

بەرەپێشچوون و پەرەپێدانی کوردستان: پرۆژەی ڕووناکی دەبێتە هۆی ڕەخساندنی هەل و مەرجی زیاتر بۆ پەرەپێدانی کارە بازرگانییەکان لە هەرێمی کوردستان، لەم چوارچێوەیەشدا زیاتر لە 32 هەزار موڵکی بازرگانی کارەبای 24 کاتژمێریان بۆ دابینکراوە.

 

ژمارەکان وادەڵێن: ژمارەی ئەو گەڕەکانەی کارەبای 24 کاتژمێرییان هەیە، لە سەرانسەری کوردستان، 43 گەرەک کارەبای 24 کاتژمێریان بۆ دابینکراوە.

 

بۆچی گرنگە: لەگەڵ جێبەجێکردنی پرۆژەی ڕووناکی، 729 مۆلیدە لە سەرانسەری کوردستان کوژاونەتەوە، ئەمەش کاریگەریی ڕاستەوخۆی لەسەر پاکبوونەوەی ژینگە دروست کردووە.