فەرەنسا لە دژی ئێران سکاڵا تۆمار دەکات

ئاڤا نیوز

 

فەڕەنسا لە دادگای دای نێودەوڵەتی دۆسیەیەک لە دژی ئێران دەجوڵێنێت. 

چیرۆکی سەرەکی: سکاڵای فەرەنسا لە بەر ئەوەیە کە بۆ ماوەی سێ ساڵە ئێران دوو هاووڵاتیی فەڕەنسی دەستگیر کردوون و ئێستا ئەو وڵاتە دەیەوێت لە ڕێگەی دادگای دادی نێودەوڵەتییەوە فشار لەسەر ئێران دروست بکات تاوەکو ئەو کەسانە ئازاد بکات.

لێدوانی فەرمی: ژان نۆیل بارۆت، وەزیری دەرەوەی فەڕەنسا، ڕایگەیاند فەڕەنسا ئێرانی بە "پێشێلکردنی پابەندبوون و دابینکردنی مافی پاراستنی کۆنسوڵی" تۆمەتبار کردووە بەوەی هەر یەکە لە 'سێسیل کۆهلەر' و 'جاکۆس پاریس'، کە دوو هاووڵاتیی فەڕەنسین، بە "بارمتە" گرتووە. 

- وەزیری دەرەوەی فەڕەنسا نیگەرانی خۆی نیشانداوە لەوەی دوو هاووڵاتییە فەڕەنسییەکە لە دۆخێکی خراپدان کە تا ڕادەی ئەشکەنجەدان ڕۆشتووە.