ئەردۆغان: دژی ئەو هەوڵانە دەوەستینەوە کە ئامانجییان تێکدانی ئارامیی ناوچەکەمانە

ئاڤا نیوز

لە میانی کۆبوونەوەی لەگەل هەریەک لە سەرۆککۆماری ئازەربایجان و سەرۆکوەزیرانی پاکستان، ڕەجەب تەیب ئەردۆغان گوتی: ئەو پێشهاتانەی لە ناوچەکەماندا ڕوو دەدەن، ڕۆژ دوای ڕۆژ ئەوە دەسەلمێنن کە هاودەنگیی نێوان تورکیا - ئازەربایجان - پاکستان چەندە گرنگە.

چیرۆکی سەرەکی: بەبۆنەی ڕۆژی سەربەخۆیی ئازەربایجان، ئەردۆغان سەردانی ئەو وڵاتەی کردووە، لەگەڵ سەرۆککۆماری وڵاتەکە، ئیلهام عەلیێڤ و شاهباز شەریف، سەرۆکوەزیرانی پاکستان، کۆبوونەوەی سێ قۆڵیان ئەنجام دا.

لێدوانی فەرمی: ئەردۆغان لە گوتارێکیدا کە لە کۆبوونەوەکە پێشکەشی کرد، خۆشحاڵی خۆی نیشاندا کە لە میانی دووەمین کۆبوونەوەی سێ قۆڵی تورکیا - ئازەربایجان - پاکستان بەشدارە، گوتی، دژی ئەو هەوڵانە دەوەستنەوە کە ئامانجیان تێکدانی سەقامگیری ناوچەکەیە، هەروەها پیرۆزبایی ڕۆژی سەربەخۆیی وڵاتەکەی لە ئیلهام عەلیێڤ کرد.