ئیسرائیل پێشنیازەکەی نێردەی ترەمپ بۆ ئاگربەستی غەززە ڕەتدەکاتەوە

ئاڤا نیوز

 

میدیا ئیسرائیلییەکان بڵاویانکردەوە، پێشنیازەکەی ستیف ویتکۆف، نێردەی سەرۆکی ئەمریکا بۆ ڕۆژهەڵاتی ناوەڕاست ئاگربەستێکی 60 ڕۆژە و چەند پێشنیازێکی دیکە لەخۆدەگرێت، بەڵام ئیسرائیل پێشینازەکەی ڕەتکردووەتەوە.

 

ئەوەی پێویستە بیزانیت:  ڕۆژی پێنجشەممە،  کەناڵ 12ـی   ئیسرائیل لە ڕاپۆرتێکدا ڕایگەیاند، پێشنیازی ستیڤ ویتکۆف، نێردەی تایبەتی دۆناڵد ترەمپ، سەرۆکی ئەمریکا بۆ ڕۆژهەڵاتی ناوەڕاست، بۆ ڕێککەوتنی ئاگربەست لە غەززە بریتییە: لە ئازادکردنی نۆ بارمتە و ڕادەستکردنەوەی 18 تەرم بە دووجار لەلایەن حەماسەوە.

 

ڕێککەوتنەکە بەمشێوەیە: لە پێشنیازەکەدا هاتووە، دوای ئازادکردنی بارمتەکان، بۆ ماوەی 60 ڕۆژ ئاگربەست ڕادەگەیێنرێت و ئەمەش وەک ئاسانکارییەک بۆ دەستپێکردنی دانوستاندنی تایبەت بۆ کۆتاییهێنانی شەڕی غەززە بەشێوەیەکی هەمیشەیی، هاوکات کشانەوەی ئیسرائیل لە ناوچەکانی کەرتی غەززە و  دابەشکردنی هاوکارییە مرۆییەکان لەڕێگەی نەتەوەیەکگرتووەکانەوە نەک لەڕێگەی کۆمپانیا ئەمریکییەکانەوە.

 

زانیاریی زیاتر: بزووتنەوەی حەماس  پێشنیازی  ویتکۆفی پەسەند کردووە، بەڵام ئیسرائیل ڕایگەیاند، بەهەموو شێوەیەک ئەو پێشنیازە ڕەتدەکاتەوە.