ژمارەی سوودمەندانی پڕۆژەی ڕووناکی دەبێتە دوو ملیۆن کەس

ئاڤا نیوز

 

ژمارەی سوودمەندبووان لە پرۆژەی ڕووناکیی کارەبای 24 کاتژمێری،  ڕۆژ دوای ڕۆژ لە بەرزبوونەوەدایە و تا کۆتایی ئەم مانگە 900 هەزار هاوڵاتی دیکە زیاد دەبن.

 

وێنە گەورەکە: پڕۆژەی ڕووناکی بۆ دابینکردنی کارەبای 24 کاتژمێری، ئێستا لە سەنتەری شارەکانی هەولێر و سلێمانی و دهۆک کاری لەسەر دەکرێت، یەک ملیۆن و 100 هەزار کەس لە پرۆسەکە سوودمەند دەبن و زۆرینەی لە هەولێر دەبێت.

 

لێدوانی تایبەت: تیمی پرۆژەی ڕووناکی تایبەت بە ئاڤای ڕاگەیاند، "کۆتایی ئەم مانگە ژمارەی سوودمەندانی کارەبای 24 کاتژمێری لە سەرتاسەری کوردستان دەبێتە دوو ملیۆن کەس و کارەبای بەشێکی دیکەی گەڕەکەکانی هەولێر، سلێمانی و دهۆک دەبێتە 24 کاتژمێری."

 

ئەوەی پێویستە بیزانیت: پڕۆژەی ڕووناكی کە مەبەست لێی دابینکردنی کارەبای 24 کاتژمێرییە بۆ هاووڵاتیانی هەرێمی کوردستان، دەبێت تاوەکو ساڵی 2026 کارەبای تەواوی شار و ناوچەکان ببێتە 24 کاتژمێری.