بەرپرسی تەقینەوەی کەنیسەکەی دیمەشق دەستگیر کرا

ئاڤا نیوز

ئاژانسی هەواڵی سووریا لە زاری سەرچاوەیەکی دەزگای هەواڵگریی وڵاتەکە بڵاویکردووەتەوە، بە کەمتر لە 24 کاتژمێر توانیویانە چەند کەسێک دەستگیر بکەن کە بەرپرس بوون لە تەقینەوە خۆ کوژییەکەی کەنیسەی مار ئیلیاس لە دیمەشق.

چیرۆکی سەرەکی: دوێنێ شەو بە سوودوەرگرتن لە پشووی هەفتەی مەسیحییەکان و کۆبوونەوەیان لە کەنیسە، خۆکوژێکی ڕێکخراوی داعش، خۆی کرد بەناو نوێژخوێنانی کەنیسەی مار ئیلیاس لە ناوچەی دوەیلعە لە دیمەشق و خۆی تەقاندەوە، ئامارەکانی تەندروستی سووریا دەریدەخەن لەم ڕووداوە 25 کەس کوژراون و 63 کەسی دیکەش بریندارن.

زانیاریی بەدەستهاتوو: ئاژانسی هەواڵی سووریا (سانا) لە زاری سەرچاوەیەکی دەزگای هەواڵگریی گشتیی سووریا بڵاویکردووەتەوە، هێزەکانیان توانیویانە بە ماوەیەکی کەم بەرپرسی کردەی خۆتەقاندنەوە و ژمارەیەک ئەندامی داعش دەستگیر بکەن کە ماوەیەک بوو پلانیان بۆ کردەکە دانابوو، هاوکات لە کاتی دەستگیرکردنیان دەستگیراوە بەسەر ماتۆڕسکیلی بۆمبڕێژکرا و ژمارەیەک چەک و دەمانچە و کەرەستەی دروستکردنی تەقینەوە.