كۆریای باكوور چەكێكی "گەورە و مەترسیدار" تاقیدەكاتەوە

ئاڤا نیوز

كۆریای باكوور مووشەكێكی نوێی كروزی ستراتیژی تاقیدەكاتەوە، میدیای ئەو وڵاتە بە "كڵاوەیەكی زۆر گەورە" ناوی دەبات. 

ڕاگەیێنراوی فەرمی: ئاژانسی فەرمیی هەواڵی كۆریای باكوور ڕایگەیاند:"بەڕێوەبەرایەتیی موشەك تاقیكردنەوەیەكی بەهێزی كڵاوەیەكی جەنگیی زۆر گەورەی ئەنجامداوە كە بۆ مووشەكی كروزی ستراتیژی لە جۆری هاوسال-1 و ئاڕ ئەی-3 بەكاردێت."

زانیاریی زیاتر: كۆریا باكوور هەروەها مووشەكی دژە فڕۆكەی لە جۆری 'Pyoljji-1-2' تاقیكردووەتەوە. 
ئەمەش بزانە: ئەم تاقیكردنەوانە دوای ئەوە دێن كە مانگی ئاداری ڕابردوو بە ڤیتۆی ڕووسیا سزاكانی نەتەوە یەكگرتووەكان لە سەر كۆریای باكوور پەیوەست بە بەرنامە ئەتۆمییەكەی درێژ نەكرانەوە.  

گۆشەیەكی دیكە: شارەزایان هۆشدارییان داوە لەوەی كە ئەگەری هەیە ،كۆریای باكوور ئەم مووشەكە كروزانە تاقی بكاتەوە تا دواتر بیاننێرێت بۆ ڕووسیا و ڕووسیا لە شەڕی دژ بە ئۆكراینا بەكاریان بهێنێت.