لە یەکەم ڕۆژی جەژندا هەموو شوێنە گەشتیارییەکانی دهۆک پڕبوون

ئاڤا نیوز

گوتەبێژی گەشتوگوزاری دهۆک ڕایگەیاند، ئەم جەژنە ڕێژەی گەشتیاران زۆر بەرزبووەتەوە، لە یەکەم ڕۆژدا هەموو شوێنە گەشتیارییەکانی دهۆک پڕبوون.

وێنە گەورەکە: بەروارد بە ساڵەکانی ڕابردوو، ئەمساڵ ژمارەی گەشتیاران بۆ دهۆک لە جەژنی ڕەمەزاندا کەمی کردبوو، بەڵام گوتەبێژی گەشتوگوزاری دهۆک دەڵێت جەژنی قوربان ڕێژەی هاتنی گەشتیاران لە ساڵی ڕابردووش زیاترە.

لێدوانی فەرمی: شەماڵ هروری، گوتەبێژی گەشتوگوزاری دهۆک بە ئاڤا نیوزی ڕاگەیاند:"پارێزگای دهۆک لە ڕۆژێکدا توانی وەرگرتنی زیاتر لە 15 هەزار گەشتیاری هەیە، یەکەم ڕۆژی جەژن هەموو شوێنە گەشتیارییەکانی دهۆک پربوون کە ئەوەش ئاماژەیە بۆ ئەوەی کە ڕێژەی گەشتیاران زۆر زیاد دەکات ئەم جەژنە".

باکگراوند: لە جەژنی قوربانی ساڵی 2023 دا لە ماوەی چوار ڕۆژی جەژندا زیاتر لە 60 هەزار گەشتیار سەردانی شوێنە گەشتیارییەکانی سنووری پارێزگای دهۆکیان کردبوو.