لە شەش مانگی ڕابردوودا هەزار و 291 ئاگر لە دهۆک کەوتوونەتەوە

ئاڤا نیوز 

گوتەبێژی بەرگریی شارستانی دهۆک، ئاماری شەش مانگی ڕووداوەکانی دهۆکی ڕاگەیاند بە تەنیا ڕووداوی ئاگرکەوتنەوە هەزار و 291 ڕووداو بووە.

لێدوانی فەرمی: عەقید بێوار عەبدولعەزیز، گوتەبێژی بەرگریی شارستانیی دهۆک لە کۆنگرەیەکی ڕۆژنامەوانیدا ڕایگەیاند: کۆی گشتی ڕووداوەکانی ئاگرکەوتنەوە هەزار و 291 ڕووداو بوون، لەنێویدا 830 ڕووداوی پوش و پەڵاش بوون، 451 ڕووداویش جۆراوجۆر بوون، چوار کەس بە سووتان شەش کەسیش بە خنکان گیانیان لە دەستداوە.

ئەوەی پێویستە بیزانیت: تەنیا لە شەش مانگی ڕابردوو، هەزار و 761 ڕووداوی لافاو دروستبوون، بەهۆیەوە 205 ئۆتۆمبێل زیانی ماددیان بەرکەوتووە.

زیانە سەرەکییەکان: 68 ملیار و 250 ملیۆن دینار زیانی سەرجەم ئەم ڕووداوانەیە کە لەماوەی شەش مانگی ڕابردوودا لەلایەن بەرگریی شارستانی دهۆکەوە تۆمارکراون.