دژە تیرۆری كوردستان: لە شنگال ئۆتۆمبێلێکی چەکدارانی پەکەکە کرایە ئامانج

ئاڤا نیوز  

 

دژە تیرۆری کوردستان برینداربوونی دوو کەسی بەهۆی هێرشێکی ئاسمانییەوە لە قەزای شنگال ڕاگەیاند و ئاماژە بۆ ئەوە دەکات ئۆتۆمبێلەکە هی چەکدارانی "پەکەکە"بووە.

 

وێنە گەورەکە: هێرشی تورکیا لە ڕێگەی درۆن و فڕۆکە جەنگییەوە بۆسەر چەکدارانی پەکەکە لە ناوچە جیا جیاکانی باشوور و ڕۆژئاوای کوردستان بەردەوامە.

 

ڕاگەیێنراوی فەرمی: دژە تیرۆری کوردستان ڕاگەیاند: لە ڕێگەی هێرشێکی ئاسمانییەوە ئۆتۆمبێلێکی چەکدارانی پەکەکە لە قەزای شنگال کرایە ئامانج و دوو کەس بریندار بوون.

 

لە لایەکی دیکەوە: سەرچاوەیەک لە پۆلیسی نەینەوا ڕایگەیاند: "ئەو ئۆتۆمبێلەی کراوەتە ئامانج  لە جۆری (هیوندای توسان) بووە و سێ کەسی تێدابووە، لە ئەنجامدا کوژراو و برینداری لێکەوتووەتەوە".

 

بۆچوونی لایەنی بەرامبەر: میدیای نزیک لە پەکەکە ڕایگەیاند: دوانیوەڕۆی ئەمڕۆ ئۆتۆمبێلێک لە نزیك شنگال بۆردوومان كرا، بەهۆی ئەو هێرشەوە "سێ ڕۆژنامەنووسی كەناڵی چرا تیڤی" بریندار بوون.