مەسعود پزیشكیان: حكومەتێک دروست دەکەین بۆ هەموو لایەک بێت

ئاڤا نیوز

 

سەرۆككۆماری نوێی ئێران لە كاتی دەستبەكاربوونیدا گوتارێكی پێشكەش كرد و بەڵێنی دا، ئەو حكومەتەی كە دروستی دەكات بۆ خەڵک دەبێت.

 

چیرۆکی سەرەکی: ئەمڕۆ سێشەممە، مەسعود پزیشكیان لە پەرلەمانی ئێران سوێندی یاسایی خوارد و گوتارێكی پێشكەش كرد؛ لە گوتارەكەدا ئەندامانی پەرلەمانی ئێران و بەشێک لە میوانە ناوخۆییەكان، مەرگ بەر ئیسرائیل و مەرگ بۆ ئەمریكایان دەگوتەوە.

 

لێدوانی فەرمی: مەسعود پزیشكیان، سەرۆككۆماری ئێران ڕایگەیاند: حكومەتێكی ستراتیژی و گرنگ و بەهێز دروست دەكەن كە گەلی ئێران لێی ڕازی بێت و ڕۆڵی لە ئارامی و ئاسایش و سەقامگیریی ناوچەكەدا هەبێت، دەبێت هێز بۆ خەڵكی ناوچەكە بگەڕێتەوە و دەبێت هێزی داگیركەر لە ناوچەكەدا نەمێنێتەوە.

 

زانیاریی زیاتر: پزیشكیان ئەمەشی گوت، حكومەتەكەی كار بۆ بەرهەمهێنانی دەوڵەتێكی سەربەخۆ و سیاسەتێكی ڕوون دەكات و دەیەوێت ناوچەكە بەرەو ئارامی بڕوات و لەگەڵ دۆستەكانمان بە شێوەیەكی زۆر باش بەهێز كار بکەن.