حەماس سوپاسی هەڵوێستەکانی تورکیا دەکات

ئاڤا نیوز

 

بزووتنەوەی حەماس سوپاسی تورکیا دەکات لەوەی هەڵوێستی هەبووە لە کوشتنی سەرۆکەکەیان و ماتەمینی و هاوخەمی ڕاگەیاندووە.

 

وێنە گەورەکە: تورکیا وەک هاوسۆزییەک بۆ حەماس، لە کاتی کوشتنی ئیسماعیل هەنیە، سەرۆکی مەکتەبی سیاسی بزووتنەوە فەلەستینییەکە، ئاڵای وڵاتەکەی لە باڵیۆزخانەکەی لە ئیسرائیل داگرت، ئەمەش وەک ئاماژەیەک بۆ ماتەمینی بۆ کوشتنی هەنیە. ئەنکەرە ڕۆژێک ماتەمینی ڕاگەیاند و، بۆ مەراسیمی پرسەکەشی کە لە قەتەر بەڕێوچوو، شاندێکی باڵای وڵاتەکەی ڕەوانەی دەوحە کرد. 

 

ڕاگەیێنراوی فەرمی: حەماس ڕایگەیاند، لە یەکەم ساتەوە تورکیا لەگەڵمان بوو، هەڵوێستی هاوخەمی و برایانەی سەرۆککۆمار و دەسەڵاتداران و خەڵکی تورکیا، جێگای سوپاس و پێزانینە.

 

لەلایەکی دیکەوە: حەماس بەڵێنی تۆڵەسەندنەوەی خوێنی هەنیە دەدات و دەڵێت: تاوەکو دەوڵەتی فەلەستین دروست دەکەین بەرامبەر هیوای خەڵکی غەززە ڕاستگۆ دەبین.