شیکلی ئیسرائیلی بۆ نزمترین ئاستی خۆی لە نۆ مانگی ڕابردوو دادەبەزێت

ئاڤا نیوز

 

بەردەوامی گرژی و ئاڵۆزییەکان بەهای دراوی شیکلی ئیسرائیلی بۆ نزمترین ئاستی خۆی لە نۆ مانگی ڕابردووی دابەزاند.

 

زانیاریی بەدەستهاتوو: بەهای دراوی شیکلی ئیسرائیلی بە ڕێژەی 0.70% لە نزیکەی 3.79 شیکلەوە بۆ 3.84 شیکل بەرامبەر بە دۆلارێک دابەزیوە، کە ئەمەش نزمترین ئاستییەتی لەمساڵدا تۆمار کرابێت.

 

لەلایەکی دیکەوە: هاوتا لەگەڵ داکەوتنی بەهای شیکل، بۆرسەی تێلئەڤیڤ بەشێوەیەکی بەرچاو دابەزیوە. پێنوێنی تێلئەڤیڤی سەرەکی بە ڕێژەی 1.78% بۆ 1899 خاڵ دابەزیوە، لە هەمان کاتدا پێنوێنی "تێلئەڤیڤ 90" بە ڕێژەی 1.76% بۆ 1911.11 خاڵ دابەزیوە.

 

هۆکارە زانراوەکان: هەڵکشانی ئاڵۆزی و گرژییەکان لە ناوچەکە و بە تایبەت چاوەڕوانییەکان بە وەڵامدانەوەی ئێران، بە هێرشکردنە سەر ئیسرائیل، هۆکاری سەرەکی ناسەقامگیری بۆرسەی تەلئەبیب و داکەوتنی دراوی شیکلە.