حەماس بەشداریی دانووستانەکانی غەززە ناکات

ئاڤا نیوز 

 کۆشکی سپی ڕایگەیاند دانوستانەکانی ئاگربەستی غەززە، لە دەوحەی پایتەختی قەتەر دەستیپێکردووە و هیچ نوێنەرێکی حەماس تێیدا بەشدار نییە. 

وێنە گەورەکە: هەفتەی ڕابردوو سەرکردەکانی ئەمریکا و میسر و قەتەر داوایان لە ئیسرائیل و حەماس کرد، لە ڕۆژی 15-08-2024 لە دەوحە کۆببنەوە بۆ دانووستانی ئاگربەست و ئازادکردنی بارمتەکان.

   
ڕاگەیێنراوی فەرمی: جۆن کێربی، گوتەبێژی ئەنجومەنی ئاسایشی نیشتمانیی ئەمریکا، رایگەیاند: "دانووستانەکان لە دەوحە دەستیپێکردووە و بارودۆخەکە ئومێدبەخشە". پشتڕاستیشی کردەوە کە ویڵیام بێرنس سەرۆکی هەواڵگری ناوەندی ئەمریکا تێیدا بەشدارە.   

زانیاریی زیاتر: پێشبینی دەکرێت گفتوگۆکان چەند ڕۆژێک بخایەنن. كێربی وای گوت.

باکگراوند: لە حەوتی ئۆکتۆبەری 2023ـەوە جەنگی نێوان ئیسرائیل و حەماس بەردەوامە، تا ئێستا زیاتر لە 40 هەزار فەلەستینی کوژراون کە زۆربەیان ژن و منداڵن؛ هاوکات زیاتر لە 10 هەزار کەسیش بێسەروشوێنن.