فوئاد حسێن وردەكاری كۆبوونەوەكانی لە توركیا ئاشكراكرد

ئاڤا نیوز

وەزیری دەرەوەی عێراق لەگەڵ هاوتا تورکییەکەی لەكۆنگرەیەكی ڕۆژنامەوانی هاوبەشدا لە ئەنقەرە، چەند خاڵێکی ڕێککەوتنی نێوان هەردوو وڵاتیان خستەڕوو.

وێنە گەورەکە: ئەمڕۆ پێنجشەممە 15-8-2024 بە سەرۆکایەتی فوئاد حوسێن وەزیری دەرەوەی عێراق چوارەم کۆبوونەوەی شاندی ئەمنيی نێوان تورکیا و عێراق بۆ پەرەدان بە پەیوەندییەکان و کاری هاوبەشی نێوان هەردوو وڵات بەڕێوەچوو.

لێدوانی فەرمی: فوئاد حوسێن، وەزیری دەرەوەی عێراق لە كۆنگرەکەدا ڕایگەیاند:"ڕێککەوتووین سەربازگەی باشیک دەبێتە بنکەی مەشقی هێزە عێراقییەکان، لەگەڵ هاكان فیدان باسمان لە دۆسیەی پەكەكە و نەهێشتنی ماددەی هۆشبەر كرد".

لە لایەكی دیكەوە: هاکان فیدان،  وەزیری دەرەوەی تورکیا ڕایگەیاند:"لەسەرەتای مانگی ئەیلولی داهاتووەوە ڤیزە لەسەر هاوڵاتییانی عێراقی تەمەن کەمتر لە 15 و زیاتر لە 50 ساڵ هەڵدەگیرێت".