شارەزایانی سەربازی: ئێران دەتوانێت ببێتە خاوەن چەکی ئەتۆمی

ئاڤا نیوز 

شارەزایانی سەربازی لەو باوەڕەدان ئێران تەنیا چەند هەفتەیەک لە بەدەستهێنانی چەکی ئەتۆمییەوە دوورە و دەتوانێت ببێتە خاوەنی چەکی ئەتۆمی. 

 

وێنە گەورەکە: سەرەڕای سزاکان و گەمارۆی ئابووری و سەربازی لەسەری، بەڵام ئێران لە هەوڵەکانی بۆ بەرەوپێشبردنی بەرنامە ئەتۆمییەکەی بەردەوام بووە. شارەزایانی سەربازی لەو باوەڕەدان ئێران دەتوانێت لە ماوەی چەند هەفتەدا خۆی وەک هێزێکی ئەتۆمی بناسێنێت. 

 

زانیاریی زیاتر: جەیمز کارافانۆ، شارەزای سەربازی سەر بە دامەزاروەی هێریتەیج، دەڵێت "ئێران ئێستا دەتوانێت ئەتۆمیبوونی خۆی ڕابگەیێنێت، چونکە بایدن هیچ ناکات، لە ئەگەری بردنەوەی ترەمپیش ئەوا چەند مانگێکی پێویستە بۆ هاتنە سەر کار و بە دڵنیاییشەوە لە ڕۆژی یەکەم هێرش ناکاتە سەر ئێران". 

 

لەلایەکی دیکەوە: وەزارەتی دەرەوەی ئەمریکا ڕایگەیاند "ئێمە بەرپرسین لەوەی نەهێڵین ئێران دەستی بگات بە چەکی ئەتۆمی".