"سەرجەم دانیشتووانی باکووری غەززە هەڕەشەی مردنیان لەسەرە"

ئاڤا نیوز

 

بەرپرسێکی باڵای نەتەوەیەکگرتووەکان هۆشداری دەدات لە بارودۆخی مرۆیی دانیشتووانی باکووری کەرتی غەززە، بەتایبەتی ئەو ناوچانەی لە ژێر گەمارۆی ئیسرائیلن.

 

ڕاگەیێنراوی فەرمی: جۆیس مسویا، یاریدەدەری سکرتێری گشتی نەتەوەیەکگرتووەکان بۆ کاروباری مرۆیی و جێگری ڕێکخەری فریاگوزاری ڕایگەیاند: هەموو دانیشتووانی باکووری کەرتی غەززە هەڕەشەی مردنیان لەسەرە و ئەوەی هێزەکانی ئیسرائیل لە ناوچە گەمارۆدراوەکان دەیکەن قبووڵ ناکرێت و نابێت ڕێگەی پێبدرێت بەردەوام بێت.

لەلایەکی دیکەوە: بەگوتەی جۆیس مسویا، نەخۆشخانەکانی باکووری کەرتی غەززە وێرانکراون و شوێنی مانەوەی خەڵکی سڤیل سووتێنراون. 

 

باکگراوند: سوپای ئیسرائیل لە ساڵی ڕابردووەوە بەردەوامە لە هێرشە ئاسمانی و زەمینییەکانی بۆ سەر کەرتی غەززە، تا ئێستا 42 هەزار و 924 هاووڵاتی گیانیان لەدەست داوە و 100 هەزار و 833 کەسی دیکەش بریندار بوون کە زۆربەیان ژن و منداڵن.