کۆبوونەوەی پارتی و یەکێتی لە پیرمام دەستپێکرد

ئاڤا نیوز

 

کەمێک پێش ئێستا شاندی یەکێتیی نیشتمانیی کوردستان بە سەرۆکایەتی قوباد تاڵەبانی گەیشتنە بارەگای مەکتەبی سیاسی پارتی لە پیرمام، لە کەشێکی ساردی ناوچەکە بەگەرمی لەلایەن شاندی پارتییەوە پێشوازییان لێکرا.

 

وێنە گەورەکە: پارتی و یەکێتی وەک براوەی یەکەم و دووەمی هەڵبژاردن گەڕی دووەمی گفتوگۆکانیان لەبارەی پێکهێنانی حکومەت دەستپێدەکەن، پرسی پێکهێنانی حکومەتی نوێ، ڕەوشی ناوچەکە و کێشە هەڵواسراوەکانی نێوان هەولێر و بەغدا دیارترین ئەو پرسانە دەبن کە لەسەر مێزی گفتوگۆی نێوان شاندی هەردوولا هەڵوێستەیان لەسەر دەکرێت.

 

زانیاریی پەیامنێر: کوردستان حەسەن، پەیامنێری دیبلۆماسی ئاڤا میدیا ڕایگەیاند: شاندێکی یەکێتی نیشتمانی کوردستان بۆ کۆبوونەوەیان لەگەڵ پارتی دیموکراتی کوردستان گەیشتنە پیرمام و ئێستا لە کۆبوونەوەدان.

 

ئەمەش بزانە: شاندی یەکێتی پێکهاتوون لە قوباد تاڵەبانی، دەرباز کۆسرەت، نزار ئامێدی، شاڵاو شێخ سەڵاح، ڕێواز فایەق و ئامانج ڕەحیم، هاوکات شاندی پێشوازیکاری پارتی پێکهاتووە لە هۆشیار زێباری، ئومێد سەباح، پشتیوان سادق و دڵشاد شەهاب.