ئیسرائیل نەخۆشخانەی کەمال عەدوانی بۆردوومان دەکات

ئاڤا نیوز

بەهۆی هێرشێکی ئیسرائیلەوە بۆ سەر نەخۆشخانەیەکی کەرتی غەززە، زیانی زۆر بە نەخۆشخانەکە دەگات و لەکار دەوەستێت.

 

چیرۆکی سەرەکی: نەخۆشخانەی 'کەمال عەدوان' دوایەمین گەورە نەخۆشخانەی کەرتی غەززە بوو کە لە کارکردن بەردەوام بوو، بەڵام بەهۆی هێرشی ئەمجارەی ئیسرائیلەوە نەخۆشخانەکە لە کار کەوتووە و ناتوانێت خزمەتگوزاری پێشکەش بکات.

 

لێدوانی فەرمی: ڕێکخراوی تەندروستیی جیهانی ڕایگەیاند: بەهۆی هێرشێکی ئیسرائیلەوە چەند بەشێکی سەرەکیی نەخۆشخانەکە سوتاون و داڕماون و بۆیە ئێستا بەتەواوی لەکار کەوتووە.

 

زانیاریی زیاتر: لە ئۆکتۆبەری 2023ـەوە ئیسرائیل لە بۆردومانکردن کەرتی غەززە بەردەوامە و نەخۆشخانە، قوتابخانە و شوێنە گشتییەکانی دیکەش لەو بۆردومانانە پارێزراو نەبوون. 

 

ئەوەی پێویستە بیزانیت: بەهۆی بۆردومانەکانی سوپای ئیسرائیل تا ئێستا زیاتر لە 45 هەزار کەسی لە کەرتی غەززە کوژراون کە زۆربەیان ژن و منداڵن.