بلینکن داوای کۆبوونەوەیەک لەبارەی سووریاوە دەکات

ئاڤا نیوز

 

ئەنتۆنی بلینکن، وەزیری دەرەوەی ئەمریکا بە نیازە کۆبوونەوەیەک لەگەڵ وەزیرانی دەرەوەی ئەوروپا سەبارەت بە دۆخی سووریای نوێ ئەنجام بدات.

 

وێنە گەورەکە: ئەنتۆنی بلینکن، لە میانەی سەردانەکەی بۆ سیئۆل داوای لە وەزیرانی دەرەوەی ئەوروپا کرد کۆبوونەوەیەک سەبارەت بە دۆخی سووریا و سەرکردایەتی نوێی سووریا لە ڕۆما ئەنجام بدەن.

 

ڕاگەیێنراوی فەرمی: وەزارەتی دەرەوەی ئەمریکا لە بەیاننامەیەکدا ڕایگەیاند: وەزیری دەرەوەی ئەمریکا لەگەڵ هاوتا ئەوروپییەکانی کۆدەبێتەوە بۆ پشتگیری  لە گواستنەوەی سیاسی ئاشتیانە و هەمەلایەنە لەژێر دەستی سەرکردایەتی نوێی سووریا''.

 

زانیاریی زیاتر: لە دوای کۆتایی هاتنی دەسەڵاتی بەشار ئەسەد، چەندین شاندی ئەوروپی سەردانی سووریایان کردووە بەمەبەستی چاودێری کردنی  دۆخی ئێستای سووریا و سەرکردایەتی نوێی ئەو وڵاتە.

 

باکگراوند: لە ڕۆژی 8ـی دیسێمبەر، تەحریرولشام بە سەرکردایەتی ئەحمەد شەرع، بەرپرسی ئیداری نوێی سووریا توانیان دیمەشقی پایتەخت کۆنتڕۆڵ بکەن و کۆتایی بە دەسەڵاتی بەشار ئەسەد بێنن.