قەتەر: نێوەندگیری لە نێوان تاران و واشنتن دەکەین

ئاڤا نیوز

 

وەزارەتی دەرەوەی قەتەر لە پێناو ئاساییکردنەوەی پەیوەندییەکانی نێوان تاران و واشنتن ئامادەیی بۆ نێوەندگیری لە نێوان هەردوو دەوڵەت ڕادەگەیێنێت.

 

وێنە گەورەکە: دوای دەستپێکردنی خولی دووەمی سەرۆکایەتیی دۆناڵد ترەمپ و "سیاسەتی توند"ـی ئەمریکا بەرامبەر کۆماری ئیسلامی ئێران، پەیوەندی نێوان هەردوو وڵات لە قۆناغێکی خراپدایە و لە لێدوانەکانیاندا لەسەر ئاستی سەرۆکی وڵات یەکتر تۆمەتبار دەکەن.

 

لێدوانی فەرمی: ماجد ئەنساری، وتەبێژی وەزارەتی دەرەوەی قەتەر ڕایگەیاند: قەتەر پەیوەندیەکی باشی لەگەڵ ئیدارەی ترەمپ هەیە و لە پێناو ئاساییکردنەوەی پەیوەندییەکان ئامادەیی وڵاتەکەی بۆ ئەنجامدانی نێوەندگیری لە نێوان واشنتن و تاران دەربڕی.

 

زانیاریی زیاتر: ئیدارەی دۆناڵد ترەمپ جەخت لەسەر توندکردنی سزاکانی سەر ئابووری ئێران دەکاتەوە لەپێناو لاوازکردنی توانای ئەو وڵاتە لە دروستکردنی چەکی ئەتۆم.