بەرپرسانی یەكەیەكی تایبەتی سوپای ئیسرائیل دەستلەكار دەكێشنەوە

ئاڤا نیوز

 

ژمارەیەک گەورە لێپرسراوی نێو یەكەیەكی سوپای ئیسرائیل، دەستلەكاركێشانەوەی بە كۆمەڵیان پێشكەش كردووە، ئەمەش لە ئەنجامی ناڕەزاییەكانیانە سەبارەت بە چۆنیەتی بەڕێوەچوونی بابەتە ئۆپەراسیۆنی و كەسییەكان.

وێنە گەورەكە: ژمارەیەكی زۆر لە ئەفسەر دەستلەكاركێشانەوەی بە كۆمەڵیان لە یەكەی بەرپرس لە سیستەمی زانیاريی سوپای ئیسرائیل پێشكەش كردووە، لە نێویاندا دانیال هاگاری گوتەبێژی سوپای ئیسرائیل و  كۆلونێل ریچارد هیچت، گوتەبێژی سوپای ئیسرائیل بۆ كاروباری ڕاگەیاندنی بیانی.ئەمەش بەگوێرەی ژمارەیەک میدیای ئیسرائیل.

زانیاریی زیاتر: جگە لەوەش كۆلۆنێل شلومیت میلەر، كە بە كەسی دووەمی دوای "هاگاری" دادەنرێت، لەگەڵ ژمارەیەكی زۆر ئەفسەری بەرپرسیار لە بەشی زانیاری سوپا دەستلەكاركێشانەوەیان پێشكەش كردووە.

ئەوەی پێویستە بیزانیت: یەكەی بەرپرس لە سیستەمی زانیاری سوپای ئیسرائیل لەلایەن دانیال هاگاری وتەبێژی سوپاوە بەڕێوەدەبرێت.