سەرۆکوەزیران مەسرور بارزانی زۆرترین سەردانەکانی بۆ ئیمارات بووە

ئاڤا نیوز

 

سەرۆکوەزیران مەسرور بارزانی بۆ بەشداریکردن لە لووتکەی جیهانیی حکومەتەکان لە دوبەیە، لەگەڵ ئەوەشدا پەرە بە پەیوەندییەکانی هەرێمی کوردستان و وڵاتانی جیهان دەدات.

 

وێنە گەورەکە: ئەمڕۆ سێشەممە 11-2-2025، لووتکەی جیهانیی حکومەتەکان لە دوبەی دەستیپێکردووە و سێ ڕۆژ بەردەوام دەبێت، تێیدا سەرۆکوەزیران مەسرور لە پانێڵێکدا گفتوگۆی لەسەر بوارەکانی ئابووری، وەبەرهێنان، بازرگانی و گەشەپێدان و سەقامگیری هەرێمی کوردستان کرد و ناوچەکە کرد.

 

لێدوانی فەرمی: د.ئەیوب گەڵاڵی، بەڕێوەبەری گشتی لە وەزارەتی پلاندانان بە ئاڤا میدیای ڕاگەیاند: لووتکەکە ئیلهام بەخشە بۆ نەوەی داهاتوو لە حکومەتەکاندا، هاوکات سەکۆیەکە بۆ داڕشتنەوەی حکومەتەکانی داهاتوو.

 

-حکومەتی هەرێمی کوردستان ڕووبەروووی کۆمەڵێک ئاستنەگ بووەتەوە.
-دیدگای سەرۆکوەزیران مەسرور بارزانی بۆ ڕووبەڕووبوونەوەی قەیرانەکان سەرکەوتووانە بووە.
-زۆربەی ئەو ئاستەنگانەی ڕووبەڕووی حکومەت بووەتەوە کۆنتڕۆڵکراون.

 

بۆچی سەرۆکوەزیران مەسرور بارزانی زۆرترین جار سەردانی ئیماراتی کردووە؟

 

پەیوەندییەکانی هەرێمی کوردستان و میرنشینی یەکگرتووی عەرەبی لە ئاستێکی باڵادایە، هەنگاوەکانی سەرۆکوەزیران بۆ زیاتر بەرەوپێشبردنی پەیوەندییە ئابووری و بازرگانییەکانە لەگەڵ وڵاتەکە، کە دەرفەتی زیاتر دەخاتە بەردەم فرەچەشنکردنی سەرچاوەکانی داهات لە هەرێمی کوردستان.

 

ئەوەی پێویستە بیزانیت: لە ساڵی 2022ەوە، سەرۆکوەزیران مەسرور بارزانی زیاتر لە 10 جار سەردانی ئیماراتی کردووە، بەراورد بە وڵاتانی دیکەی جیهانیش، زۆرترین سەردانەکانی بۆ میرنشینی یەکگرتووی عەرەبی بووە.

 

گۆشەیەکی دیکەی دیمەنەکە: جگە لە سەردانەکانی سەرۆکوەزیران مەسرور بارزانی بۆ ئیمارات، شێخ خەلیفە بن تەحنون بن محەممەد ئال نەهیان و بەرپرسە باڵاکانی دیکەی میرنشینی یەکگرتووی عەرەبی سەردانی هەولێریان کردووە، چەندین پەیوەندیی تەلەفونی لە نێوان سەرۆکوەزیران و بەرپرسە باڵاکانی وڵاتەکە هەبووە.

 

بۆچی ئیمارات گرنگە؟

 

ئیمارات یەکێکە لەو وڵاتانەی لە ڕۆژهەڵاتی ناوەڕاست پێگەیەکی دیاری ئابووری و بازرگانی و سیاسیی هەیە، چاوی وڵاتانی جیهانی لەسەرە و بووەتە ناوەندێکی گرنگ، هاوکات نموویەکی زیندووی پێشکەوتن و حکومڕانییە لە ناوچەکە.

 

بۆچی گرنگە: چەندین کۆمپانیای دیاری ئیماراتی لە هەرێمی کوردستان کار دەکەن، سەرمایەی پرۆژەکانی وەبەرهێنانی وڵاتەکە لە هەرێم زیاترە لە دوو ملیار و 500 هەزار دۆلار و ئەمەس کاریگەریی ڕاستەوخۆ لەسەر فرەچەشنکردنی سەرچاوەکانی داهات دروست دەکات.