دانووستاندنەکانی ئێران و ئەمریکا  دەست پێدەکەنەوە

ئاڤا نیوز

 

بەپێی سەرچاوەیەکی باڵای ئەوروپا، بڕیارە ئێران و ئەمریکا دانووستاندنەکانیان سەبارەت بە ڕێککەوتنێکی دیکەی نوێی ئەتۆمی دەستپێبکەنەوە.

زانیاریی بەدەستهاتوو: دیپلۆماتکارێکی باڵای ئەورووپا ڕایگەیاند، ئیدارەی دۆناڵد ترەمپ، سەرۆکی ئەمریکا هەوڵەکانی چڕ کردووەتەوە ڕێککەوتنێکی نوێی ئەتۆمی لەگەڵ ئێران  لە ڕێگەی دانووستانێکی نهێنی لە کۆتایی ئەم ساڵدا. 

 

ئەوەی پێشبینی دەکرێت: بەپێی گوتەی ئەو دیپلۆماتکارە بڕیارە لە مانگی ئۆکتۆبەری ساڵی 2025 گفتوگۆکانی ئەمریکا و ئێران بە شێوەیەکی نهێنی بکرێن و بۆ نوێکردنەوەی ئەو ڕێککەوتنەیە کە لە ساڵی 2018 لەلایەن ئەمریکا هەڵوەشێنرایەوە.

 

لەلایەکی دیکەوە: پێشتر عەلی خامنەیی، ڕێبەی باڵای کۆماریی ئیسلامی ڕایگەیاندبوو، بەهیچ شێوەیەک دانووستاندن لەگەڵ ئەمریکا ناکەین چونکە سوودی نەبووە.

 

باکگراوند: لە ساڵی 2015 ڕێککەوتنی ئەتۆمیی نێوان ئێران و وڵاتانی ڕۆژئاوا بەرنامە ئەتۆمییەکەی ئێرانی سنووردار کرد، ئەمەش بەرامبەر کەمکردنەوەی سزا ئابوورییەکان، بەڵام لە ساڵی 2018 ئەمریکا لەو ڕێککەوتنە کشایەوە و سیاسەتی 'زۆرترین فشار'ی بەسەر ئێراندا سەپاند.