لە فڕۆکەخانەی بەیرووت دەست بەسەر بڕێکی زۆر پارەی قاچاغ دەگیرێت

ئاڤا نیوز

 

تیمی گومرگی فڕۆکەخانەی نێودەوڵەتیی بەیرووت، دەستیان بەسەر بڕی دوو ملیۆن و 500 هەزار دۆلاری نەختینەی قاچاغدا گرت.

چیرۆکی سەرەکی: دوای ئەوەی کەسێک لە فڕۆکەخانەی نێودەوڵەتیی تورکیاوە بەرەو لوبنان گەشت دەکات، لایەن تیمی گومرگی فڕۆکەخانەی نێودەوڵەتیی بەیرووت گومانی لێدەکریت و دەست بەسەر دوو ملیۆن و 500 هەزار دۆلاری ئەو کەسەدا دەگیرێت کە ویستوویەتی ئەو پارەیە بگەیێنێتە حیزبوڵڵای لوبنان. 

ڕاگەیێنراوی فەرمی: وەزارەتی دارایی لوبنان ڕاگەیاند، ئەو کەسە لەلایەن هێزەکانی ئاسایش و پاراستنی فڕۆکەخانەی بەیرووتەوە دەستگیر کراوە کە بڕە پارەکەش ڕادەستی بەشی لێکۆڵینەوەکانی بەڕێوەبەرایەتیی گشتیی ئاسایشی گشتی دەکرێت.

 

لەلایەکی دیکەوە: سەرچاوەیەک بە ڕۆیتەرزی ڕاگەیاندووە، ئەمە یەکجارە دەسەڵاتدارانی فڕۆکەخانەی بەیرووت دەستبەسەر پارەی نەختینە بگرن و نەهێڵن بگاتە دەست حیزبوڵڵای لوبنان.