وەزارەتی بازرگانی نووسینگەیەک لە ئیبراهیم خەلیل دەکاتەوە

ئاڤا نیوز

وەزارەتی بازرگانی هەرێمی کوردستان بۆ کارئاسانیی مامەڵەی بازرگانان نووسینگەیەک لە زاخۆ دەکاتەوە.

لێدوانی فەرمی: نەوزاد شێخ کامل، بەرێوەبەری گشتیی بازرگانی هەرێمی کوردستان بە ئاڤا میدیای ڕایگەیاند: ماوەی  15 ڕۆژە بەشێوەی تێست نووسینگەیەکی خۆیان لە دەروازەی  نێودەوڵەتی ئیبراهیم خەلیل لە زاخۆ کردووەتەوە، بۆ کارئاسانی بازرگانان و مۆلەتپێدانیان، هەفتەی داهاتووش بە شێوەیەکی فەرمی نووسینگەکە دەکرێتەوە و دەستبەکاردەبێت.

- نووسینگەکە ڕۆژانە 30 بۆ 70 مۆلەتی هەناردە و هاوردەی کەلوپەلی بازرگانی بە بازرگانان دەدات.

لەلایەکی دیکەوە: لەبارەی داهاتی ساڵانەی دەروازەکەش، بەڕێوەبەری گشتیی بازرگانی هەرێمی کوردستان دەڵێت: ساڵانە ڕێژەی بازرگانی نێوان هەرێمی کوردستان و عێراق و تورکیا لە ڕێگەی ئیبراهیم خەلیل 12 ملیار دۆلارە.