لەسەر پیسکردنی ژینگە چەند ئۆتۆمبێلێک لە سەیدسادق سزا دەدرێن

ئاڤا نیوز

 

سەرۆکایەتیی شارەوانیی سەیدسادق، بە نووسراوێکی فەرمی داوای سزادانی چەند ئۆتۆمبێلێک لە هاتووچۆی سنوورەکە دەکات.

 

چیرۆکی سەرەکی: دوو ئۆتۆمبێل لە سنووری شارەوانیی سەیدسادق، زبڵ و خاشاکیان لە چەند شوێنیک فڕێداوە، هەروەها ئۆتۆمبێلێک بەهۆی تیژڕۆییەوە بووەتەوە هۆی شکاندنی شەش سنەوبەری شەش ساڵ و چوار درەختی فڵچەی تەمەن شەش ساڵ و دارێکی تەمەن 10 ساڵی واشنتۆنیا.

 

بڵاوکراوەی فەرمی: سەرۆکایەتیی شارەوانیی سەیدسادق، نووسراوێکی بڵاوکردووەتە کە واژۆی حەمزە محەممەد ڕەشید، سەرۆکی شارەوانیی سەیدسادقی لەسەرە، لە نووسراوەکە داوای لە هاتووچۆی شارەکە کردووە ڕێکاری یاسایی بەرامبەر ئەو کەسانە بگرنەبەر.

 

ئەوەی پێویستە بیزایت: شارەوانیی سەیدسادق ژمارە و جۆری ئەو ئۆتۆمبێلانە، لەگەڵ شوێنی سەرپێچییەکانی بۆ هاتووچۆ ناردووە و ڕیکاریی یاساییان بەرامبەر گیراوەتەبەر، ئۆتۆمبێلەکانیش پێکهاتوون لە دوو ئۆتۆمبێلی شا‌هینە و پیکاب نیسانێک.

 

گۆشەیەکی دیکەی دیمەنەکە: شارەوانیی سەیدسادق دەڵێت: ناو و ژمارەی ئەو کەسانە پارێزراو دەبن کە لە سەرپێچی ئۆتۆمبێلەکان ئاگادارمان دەکەنەوە و ژمارەکانمان بۆ دەنێرن.