بەریتانیا دانوستانە بازرگانییەکانی لەگەڵ ئیسرائیل وەستاند

ئاڤا  نیوز

حکومەتی بەریتانیا وەک دەربڕینی ناڕەزایەتیی بەرامبەر بە کردەوەکانی ئیسرائیل لە غەززە، دانوستانەکانی بازرگانی ئازادی لەگەڵ ئەو وڵاتە ڕاگرت.

وێنە گەورەکە: دەیڤید لامی، وەزیری دەرەوەی بەریتانیا ڕایگەیاند، وەزارەتەکەی باڵیۆزی ئیسرائیل بانگهێشت دەکات سەبارەت بە فراوانکردنی ئۆپەراسیۆنە سەربازییەکانی ئیسرائیل لە خاکی داگیرکراوی فەڵەستین کە لە دوای هێرشی چەکدارانی بزووتنەوەی حەماس لە ئۆکتۆبەری 2023  دەستیپێکرد و وەزیری دەرەوەی بەریتانیا ڕایگەیاندووە کە  هەنگاو دەنێن بۆ ڕێگریکردن لە بەردەوامی کوشتنی منداڵان لە غەززە.

ئەوەی پێویستە بیزانیت: وەزارەتی دەرەوەی ئیسرائیل وەڵامی گەمارۆکانی بەریتانیا دەداتەوە و دەڵێت: فشاری دەرەکی ئیسرائیل لە ڕێبازەکەی ڕاناگرێت. ئاماژەی بەوەشکرد، سزاکانی بەریتانیا ناڕەوا و جێگەی داخە.