زێلێنسکی داوای سەپاندنی سزای زیاتر بەسەر ڕووسیادا دەکات

ئاڤا نیوز

 

هێرشەکانی ڕووسیا بۆ سەر ئۆکراینا بەردەوامن، سەرۆکی ئۆکراینا ڕووسیا بە هۆکاری درێژە کێشانی شەڕەکە تۆمەتبار دەکات.

 

چی ڕوودەدات: هێرشەکانی ڕووسیا بۆ سەر پێگە ئۆکراینییەکان بەردەوامن، لە هێرشێکی فڕۆکەی بێفڕۆکەوانی ڕووسیا بۆ سەر  پایتەخی ئۆکراینا, لانیکەم هەشت کەس برینداربوون.

 

کاریگەری و لێکەوتەکان: ڤۆلۆدێمیر زێلێنسکی, سەرۆکی ئۆکراینا ڕایگەیاند، لەگەڵ هەر هێرشێکی لەو جۆرەدا، جیهان زیاتر دڵنیادەبێتەوە لەوەی کە هۆکاری درێژە کێشانی شەڕەکە مۆسکۆیە.


- هاوکات دەشڵێت، ئۆکراینا چەندین جار پێشنیازی ئاگربەستی کردووە هەمووی پشتگوێ خراوە، دەبێت فشارێکی زۆر بەهێزتر بخرێتە سەر ڕووسیا بۆ ئەوەی ئەنجامی جددیتر بەدەستبهێنین.

ڕاگەیێنراوی فەرمی: هێزی ئاسمانی ئۆکراینا ڕایگەیاند، بەرگری ئاسمانی ئۆکراینا وڵاتەکە لە ماوەی شەوێکدا، 6 مووشەک و 245 فڕۆکەی بێفڕۆکەوانی ڕووسیای خستووەتە خوارەوە.