نزیکەی پێنج ملیۆن زیارەتکار سەردانی مەزاری 'محەممەد جەواد'ـیان لە بەغدا کردووە

ئاڤا نیوز

 

ئەمینداریەتی گشتیی 'مەزاری کازمییە' لە بەغدا دەڵێت، نزیکەی پێنج ملیۆن کەس سەردانی ئەو مەزارگەیان کردووە بۆ یادکردنەوەی ساڵیادی کۆچی دوایی ئیمام 'محەممەد جەواد'ـی شیعەکان.

 

وێنە گەورەکە: لە 25ی مانگی ڕەجەبی ساڵی کۆچی کە ئەمساڵ کەوتە 27ـی 5ـی 2025، شیعە مەزهەبەکان، یادی کۆچی دوایی ئیمامی کازم (حەوتەمین ئیمامی ئەهلی بەیتی شیعەکان) دەکەنەوە.

 

ڕاگەیێنراوی فەرمی: ئەمینداریەتی گشتییی "مەزاری کازمییە" لە بەغدا ڕایگەیاند: تاوەکو ئێستا ژمارەی زیارەتکاران گەیشتووەتە چوار ملیۆن و 734 هەزار و 772 زیارەتکار.

 

بەگوێرەی ڕاگەیێنراوەکەی مەزاری کازمییە، زیارەتکاران هێشتا بەردەوامن لە سەردانیکردنی مەزارگەکە.

 

ئەمەش بزانە: ڕۆژی سێشەممە، لە بەغدا پشوو ڕاگەیێنرابوو بە بۆنەی ساڵیادی شەهیدکردنی "محەممەد جەواد".