وەزارەتێکی حکومەتی عێراق 100 هەزار دینار جەژنانە دەداتە فەرمانبەرانی

ئاڤا نیوز

وەزارەتی پەیوەندییەکانی عێراق بڕیاریدا بەبۆنەی جەژنی قوربان، 100 هەزار دینار وەک پاداشت بۆ فەرمانبەرانی وەزارەتەکەی خەرج بکات.

وێنە گەورەکە: حکومەتی عێراق لەسەر بڕیاری وەزیری دارایی فیدڕاڵ بڕیاریداوە مووچەی مانگی پێنجی فەرمانبەرانی هەرێمی کوردستان نەنێرێت، بەڵام بۆ فەرمانبەرانی عێراق جگە لە مووچەی ئەم مانگە لەکاتی خۆییدا، بەشێکیان جەژنانەشیان بۆ خەرج دەکرێت.

نووسراوی فەرمی: هەیام یاسری، وەزیری پەیوەندییەکانی عێراق لە نووسراوێکدا ئاماژەی بەوە داوە، بۆ سەرجەم کارمەندانی هەمیشەیی، گرێبەست، گرێبەستی ڕۆژانە و سەرجەم ئەوانەی پاسەوانی باڵەخانەکانی وەزارەت و بەرپرسەکانی وەزارەتن، بەبۆنەی هاتنەوەی جەژنی قوربان 100 هەزار دینار وەک پاداشت خەرج دەکرێت.