ژمارەی زیندانیان لە فەرەنسا بەشێوەیەکی بەرچاو زیادیکردووە

ئاڤا نیوز

بەپێی ئەو زانیارییە نوێیانەی کە وەزارەتی دادی فەرەنسا بڵاویکردووەتەوە، لەم ئەمساڵدا تا 1ی مانگی پێنج 83 هەزار و 681 کەس دادگایی کراون و زیندانەکانی فەرەنسا بە شێوەیەک قەرەباڵغ بوون بە هەزاران زیندانی لەسەر زەوی زیندانەکەدا دەخەون.

ئەوەی پێویستە بیزانیت: تا 1ی ​​مانگی پێنجی 2025، چڕی گشتیی زیندانەکان لە فەرەنسا گەیشتووەتە 133.7%، لە کاتێکدا لە 1ی مانگی پێنجی 2024دا 125.3% بووە، واتە تەنیا لە ماوەی یەک ساڵدا، شەش هەزار زیندانی زیادبوون و لەماوەی پێنج ساڵیشدا 25 هەزار زیندانی زیادیکردووە.

ئەوەی لەوبارەیەوە دەگوترێت: قەرەباڵغی زیندانەکان کێشەیەکی درێژخایەنە لە فەرەنسا، بەشێوەیەک ئێستا پێنج هەزار و 234 زیندانی ناچارن لەسەر دۆشەک لەسەر زەوی بخەون.
 
زانیاریی زیاتر: بەگوێرەی توێژینەوەیەک کە ئەنجومەنی ئەوروپا لە مانگی حوزەیرانی 2024دا بڵاویکردووەتەوە، فەرەنسا لەڕووی قەرەباڵغی زیندانەکانەوە لە ڕیزبەندی خراپترین ئاستی ئەوروپادایە و لە دوای قوبرس و ڕۆمانیا پلەی سێیەمی بەدەستهێناوە و ئەو وڵاتە ئێستا پەنای بردووەتە بەر کردنەوەی زیندانی نوێ لە وڵاتانی دیکە بەتایبەتی لە دارستانەکانی ئەمازۆن.