دەزگای خێرخوازیی بارزانی قوربانی دەکات

ئاڤا نیوز 

دەزگای خێرخوازیی بارزانی، بەردەوامە لە پڕۆژەی گۆشتی قوربان و ئەمڕۆ گۆشتی قوربانی بەسەر 500 خانەوادەی دانیشتووی شارۆچكەی عەربەت دابەش دەكرێت.

 

چیرۆکی سەرەکی: هاوشێوەی ساڵانی ڕابردوو، ئەمساڵیش دەزگای خێرخوازیی بارزانی، بەردەوام دەبێت لە پڕۆژەی گۆشتی قوربانی، كە لە سەرتاسەری هەرێمی كوردستان جێبەجێ دەكرێت، ئەمڕۆ شەممە 7-6-2025، ئۆفیسی سلێمانیی ڕێكخراوەكە هەڵدەستێت بە دابەشكردنی یەك تۆن گۆشتی قوربانی بەسەر 500 خانەوادەی دانیشتووی شارۆچكەی عەربەتی سەر بە پارێزگای سلێمانی.

 

زانیاریی زیاتر: بەپێی گوتەی سەرپەرشتیارانی پڕۆژەكە، تیمەكانی ڕێكخراوەكە هەموو ڕێكارێكی پێویستیان بۆ ڕێگریكردن لە بڵاوبوونەوەی پەتای تای خوێنبەربوون بە هاوكاریی بەڕێوەبەرایەتیی تەندروستیی سلێمانی و وەزارەتی تەندروستی گرتووەتەبەر؛ لە سەربڕینەوە تاوەكوو دابەشكردنی گۆشتەكەی بەپێی ڕێنماییە تەندروستییەكان بەڕێوەدەچێت.