زێلینسکی: ڕووسیا نایەوێت جەنگ کۆتایی پێبێت

ئاڤا نیوز

سەرۆکی ئۆکراینا ڕووسیا تۆمەتبار دەکات، بەوەی یارییەکی پیس و سیاسی لەئاڵوگۆڕکردنی دیلەکانیان ئەنجام دەدات، دوای ئەوەی ڕووسیا و ئۆکراینا یەکتریان بە دواخستن و هەڵوەشاندنەوەی ئاڵوگۆڕی دیلەکانیان تۆمەتبارکرد.

وێنە گەورەکە: بەهۆی زیادبوونی گرژییەکانی نێوانیان، ئاڵوگۆڕکردنی دیلەکان لە نێوان مۆسکۆ و کیێڤ دواخرا بۆ هەفتەی داهاتوو.

لێدوانی فەرمی: ڤۆلۆدیمێر زێلینسکی، سەرۆکی ئۆکراینا ڕایگەیاند، ڕووسیا وەک هەمیشە هەوڵی یارییەکی پیس و سیاسی دەدات، ئەگەر ڕووسیا پابەند نەبێت بە ڕێککەوتنی ئازادکردنی زیاتر لە هەزار سەربازی دیل، ئەوە گومانێکی زۆر دەخاتە سەر هەوڵە دیپلۆماسییەکان بۆ کۆتاییهێنان بە شەڕی سێ ساڵە.

ئەوەی پێویستە بیزانیت: ڕۆژی 16ـی ئەم مانگە شاندی دانوستانکاری ڕووسیا و ئۆكراینا لە ئیستەنبووڵ، بە نێوەندگیری ئەمریکا و تورکیا کۆبوونەوە، بڕیاریاندا هەریەکەیان هەزار دیل ئازاد بکەن و دانووستانەکان بەردەوام بێت