ترەمپ: لۆس ئانجلس ئازاد دەکەین

ئاڤا نیوز

خۆپیشاندانەکانی ویلایەتی لۆس ئانجلس بەردەوامە و بەهۆیەوە پشێوی و ئاڵۆزی لە نێوان خۆپیشاندەران و سوپای وڵاتەکە دروست بووە.

وێنە گەورەکە: چەند ڕۆژێکە لە لۆس ئانجلس لە بەرامبەر ڕێکارە نوێیەکانی ئیدارەی دۆناڵد ترەمپ، سەرۆکی ئەمریکا دژی کۆچبەرە نایاساییەکان و سەپاندنی پێناسی گومرگی زیاتر بەسەر کۆچبەرانی ئەو وڵاتە، خۆپیشاندان بەردەوامە.

لێدوانی فەرمی: دۆناڵد ترەمپ، سەرۆکی ئەمەریکا دوای بڕیاری بڵاوەپێکردنی هێز دژی خۆپیشاندەران ڕایگەیاند: ''هۆکاری ئەم خۆپیشاندانانە سنوورە کراوەکانن بە ڕووی کۆچبەرە نایاساییەکان، ئەوان چەکی مەترسیداریان بەکارهێناوە و هێرشیان کردووەتە سەر سەربازەکانمان، هاوکات گوتی بەم زووانە لۆس ئانجلس ئازاد دەکەین''.

لەلایەکی دیکەوە: ترەمپ گوتی، خەریکە دوژمنە بیانییەکان لۆس ئانجلس دەسووتێنن و داگیری دەکەن، کە مەبەست لێی کۆچبەرە نایاساییەکانە.

ئەوەی پێویستە بیزانیت: لەگەڵ دەستبەکاربوونی ترەمپ وەک سەرۆکی ئەمریکا سیاسەتی وڵاتەکەی بەرامبەر بە کۆچبەران تووندتر کردووەتەوە و هەزاران کۆچبەریشی دیپۆرتی وڵاتەکانیان کردووەتەوە.