كاركردن و سواڵكردنی منداڵان لەسەر شەقامەكان قەدەغە دەكرێت

ئاڤا نیوز

وەزارەتی كار و كاروباری کۆمەڵایەتیی حكومەتی هەرێمی كوردستان بە هاوكاریی وەزارەتی ناوخۆ، كاركردن و سواڵكردنی منداڵان لەسەر شەقام و ترافیكەكانی قەدەغە دەكات.

ڕاگەیێنراوی فەرمی: بەپێی ڕاگەیێنراوێكی بەڕێوەبەرایەتیی گشتیی چاودێری و كۆمەڵایەتیی هەولێر، ئەمڕۆ چوارشەممە، یوسف چاوشین، بەڕێوەبەری بەڕێوەبەرایەتییەكە بە نوێنەرایەتیی وەزیری كار و کاروباری کۆمەڵایەتی بۆ گفتوگۆكردن سەبارەت بە دیاردەی کارکردن و سواڵكردنی منداڵان لە سەر شەقام و لە ترافیکەكان لەگەڵ ڕێبەر ئەحمەد، وەزیری ناوخۆ كۆبووەوە و باسی لە پلانی وەزارەتەكە كرد بۆ نەهێشتنی دیاردەكە.

زانیاریی زیاتر: لە كۆبوونەوەكەدا وەزیری ناوخۆ، پاڵپشتی خۆی بۆ وەزارەتی کار ڕاگەیاند و پۆلیسی نەجەوانانی ڕاسپارد بۆ هاوکاربوون لە جێبەجێکردنی پلانەکە.