لە ئاییندەیەکی نزیکدا تەواوی ڕێگەی هەولێر - دهۆک دەبێتە دووساید

ئاڤا نیوز

 

تەنیا چەند کیلۆمەترێک ماوە ڕێگەی نێوان هەردوو پارێزگای هەولێر و دهۆک ببێتە دوو ساید، حکومەتی هەرێمی کوردستانیش ئاشکرای دەکات لە ئاییندەیەکی نزیکدا هەموو ڕێگاکە تەواو دەبێت.

 

وێنە گەورەکە: کارکردن لە پرۆژەی جووتسایدی ستراتیژیی باعەدرێ- ئێتیت بە درێژایی 26 کیلۆمەتر بەردەوامە و بە تەواوبوونی پرۆژەکەش، تەواوی ڕێگەی نێوان هەولێر و دهۆک، دەبێتە جووتساید.

 

ڕاگەیێنراوی فەرمی: ماڵپەڕی فەرمیی حکومەتی هەرێمی کوردستان بڵاویکردووەتەوە، سەرەڕای ئەوەی ڕێگەی نێوان باعەدرێ و ئێتیت بە ناوچەیەکی سەخت و شاخاوی و گردی دژوار تێدەپەڕێت، بەڵام کارکردن لە پرۆژەی بەجووتسایدکردنی ڕێگەکە بە چڕی بەڕێوەدەچێت و تا ئێستا 63%ـی کارەکانی تەواو بووە.

 

بۆچی گرنگە: بەگوێرەی ئەو خێرایی کارکردنەی لە پرۆژەکە دەکرێت، لە ئاییندەیەکی نزیکدا پرۆژەکە تەواو دەبێت و هەردوو پارێزگای هەولێر و دهۆک بە تەواوی بە ڕێگەی دووسایدی ستانداردی جیهانی، بەیەکترەوە دەبەسترێنەوە کە ئەمەش جووڵەی بازرگانی و گەشتیاریی هەرێمی کوردستان دەباتە قۆناغێکی گەشەسەندوو، ڕۆڵی گرنگی دەبێت لە پەرەپێدانی ئابووریی وڵات.